Әкелер мен балалар, Иван Тургенев

Жастар үлкендерді түсінбей ме, әлде, керісінше, үлкендер жастардың жан дүниесін түсінуге тырыспай ма? Осы сұрақ бәріміздің өмірімізде кездескен шығар… Қолдарыңыздағы романның басты тақырыбы осы. «Әкелер мен балалар» — ұлы жазушы Тургеневтің ең әйгілі шығармасы.

Романның тілі де, мазмұны да күрделі емес. Оқуын бітіріп, қасына досы Базаровты ертіп, Аркадий Кирсанов қарашаңыраққа келеді. Әкесі Николай Кирсанов оларды құрақ ұшып қарсы алып, ерекше ілтипатпен күтеді. Алайда оқыған жастар өздерін өзгелерден жоғары ұстайды екен. Әлбетте, оған бола үлкендердің махаббаты кішірейіп қалмайтын болар?! Бұл оқиғаның басы ғана. Классиканы біреулерден мың рет естісеңіз де, бір рет өзіңіз оқығанға жетпейді. Романда сүйіспеншілік те, қызғаныш та, өмірлік тәжірибе мен жастық бұлқыныс та бар.