Қылау, Сайын Мұратбеков

Қазақ прозасындағы ең сыршыл қаламгерлердің бірі – Сайын Мұратбеков. Көп жазбаған, тек жан дүниесін қозғаған, жазбасқа болмайтын дүниелерді ғана қағазға түсіріп кеткен жазушы.

Жұбайы Мәриям Мұратбекованың айтуынша, ол кісі жаңбыр жауған күндері терезенің алдына отырып алып жазады екен. Арасында терезеге қарап қойып, үндемей ойланып алып, қаламын қайта қолға алатын болыпты.

Балалар туралы жазған әңгімелері мен «Жусан иісі» повесі бір оқыған адамның ішкі әлеміне біржола орнығып қалады, одан кейін ұмытылмайды.