Сипаттамасы
Мұхтар Мағауиннің «Сары қазақ» романы – советтер дәуіріндегі қазақ әдебиетінің ең соңғы шығармасы. 1991 жылы август айында жарыққа жетіп, көпшілікке тараған. Сонымен қатар, «Сары қазақ» – жаңа тәуелсіз қазақ сөзінің алғашқы үлгісі есепті. Осы екі тармақ сөз – мезгілдік меже ғана емес. Бұл роман еркін сөздің өзгеше үлгісін жасап, советтік-коммунистік тәртіп қазақ халқына қаншама қасірет әкелгенін алғаш рет жан-жақты суреттеген шығарма болды. Төңкерістен соңғы зобалаң мен зорлық, қуғын мен қырғын, жаппай ашаршылық, ұлттық рух, ұлттық сыпаттың жанышталуы – мейілінше шынайы көрініс тапқан.
«Сары қазақ» романының жалпы оқырман қауым, оның ішінде жаңа, жас ұрпақ алдына тартар ақпараты мен тағылымы айрықша.