Дермене, Дулат Исабеков

Адам бойындағы сүйіспеншілік, жанашырлық сезімдер, парасат, аяушылық қасиеттер қалай қалыптасады? Осындай сезімдер мен қасиеттерсіз адам баласының өмірін елестетуге бола ма? Әрине, жоқ. Адамды адам етіп тұрған да осы сезімдер. Осы құндылықтардың бойына байқаусыз сіңіретін әрине, ізгілік рухтағы көркем шығармалар. Осы кітапқа кірген қос туынды «Дермене» мен «Бекет» солардың санатындағы сөз өнерінің озық үлгілері. Екі шығармада да кішкентай адамдардың образдары шебер әрі шынайы суреттелген. Шынайылық бар жерде, өлмес образдар бар. Ал өлмес образдардың қарапайым оқырманнан тұлға жасай білетін құдіреті бар.