Тарпаң жорға, Эрнест Сетон-Томпсон

Эрнест Сетон-Томпсон – канадалық жазушы әрі суретші, жануарлар туралы 40-қа жуық кітаптың авторы, жабайы табиғат зерттеушісі әрі иллюстраторы. Ол сонымен қатар ділмар шешен әрі білікті оқытушы, Америка үндістерінің ым-ишара тілінің маманы, олардың саяси, мәдени және рухани құқығын қорғаушылардың бірі.

Қала тіршілігін аса ұнатпаған Э. Сетон-Томпсон өмірінің көп бөлігін орманды далаларда өткізген. Адамзат қоғамы мен хайуанаттар әлемінің текетіресін қозғаған жазушы өз кейіпкерлеріне табиғи мінез-құлық дарыта білген. Шығармаларында жануарлардың толыққанды өмірбаянын жазып, оларды адаммен тең қойған.

Қаламгердің әңгімелерін қазақи оқырманның дүниетанымына сай көркемдікпен аударған белгілі жазушы – Сарбас Ақтаев.