Робинзон Крузо, Даниель Дефо

Бұл роман ағылшын әдебиетіндегі бірінші шынайы роман болып есептеледі. Жазылғанына үш ғасыр болған. Содан бері әлем әдебиетіне қосылған жазушылардың барлығы дерлік осы романды оқып өскен. Лермонтов, Руссо секілді жазушылардың шығармаларында кейіпкерлер осы шығарма туралы ой қозғайды. Толстой «Робинзон Крузоны» жақсы көргені сонша – оның бір бөлігін аударып, журналға бастырған екен. Ол Робинзонға «дені дұрыс адам» (нормальный человек) деп баға берген. Толстой өзі де таңнан кешке шейін жазу жазып, бақшасының жұмыстарымен айналысып, хаттарға жауап беріп, арасында етік тігіп, тыным таппай өмір сүруге тырысқанда Робинзон секілді дұрыс адам болуға ұмтылған болса керек.