Қартқожа, Жүсіпбек Аймауытов

Жүсіпбек Аймауытұлының бұл алғашқы романы жайлы Алаш көсемі Әлихан Бөкейхан «Еуропа көркем әдебиет жазушыларының кітаптарындай, Пушкиннің «Онегин» кітабындай «Қартқожа» қазақ әдебиетінің тарихында зор өріс алатын кітап» деп жоғары баға береді. Және бұл романды хат танитын қазақтың барлық жастары оқу керек деген баталық пікірін де білдіреді. «Қартқожа» романында 1916 жылғы ұлт-азаттық қозғалысының басталуы мен оның 1917 жылғы ақпан революциясына ұласуы, қазақтардың ел ішіндегі әлеуметтік күрестерге араласуы, «Алаш Орданың» құрылуы мен ақ әскерлерінің большевиктерге қарсы күресі, Қазан революциясы мен азамат соғысының жеңісті оқиғалары роман сюжетіне негізгі желі болып кіреді. Шығарма қаһарманы Қартқожа да, оның елі, жұрты да осы оқиғалар тоғысында кеңінен баяндалады. Романның тілі жеңіл әрі көркем, қызықты.