Чиновниктің ажалы, Антон Павлович Чехов

Чехов өзгелерге жаны ашып тұратын, үнемі еңбектеніп, іс бітіріп жүретін адам ретінде замандастарының есінде қалыпты. Қиындыққа кездессе мойымаған, көрген азабын ешкімге білдірмеген. Ал өзгенің қасіретіне өзін ортақ сезінген.

Адам баласына деген шексіз махаббатын өзінің дүниедей кең жүрегіне сыйғыза білген жазушы сол адамдарды тереңнен түсінетін қабілетке де ие болған. Өзі араласқан, аз ғана тіл қатысқан, сыртынан бақылаған, тіпті бір көріп қалған кісілерін де тани қойып, шығармашылығына арқау ете білген.

«Чиновниктің ажалы» – соның бір көрінісі.