Сипаттамасы
«Адам-балық» – ғылыми-фантастикалық жанрдың шебері Александр Беляевтің ең танымал романдарының бірі. Шығарма су астында еркін тыныс алу қабілетіне ие, адамзат қоғамынан аулақ, теңіз құшағында еркін өскен жас жігіт – Ихтиандрдың қызықты да шытырман оқиғасын баяндайды. Автор адал да мейірімді қосмекенді адам-балық пен пайдаға құныққан қатыгез адамдар әлемі арасындағы қарама-қайшылықты шебер сипаттайды. Жазушы ерекше ғылыми болжамға сүйене отырып, романда адамның таңғажайып жетістіктерінің шексіз мүмкіндігін көрсете білген. Дегенмен ғылым өз жаңалықтары үшін әрдайым жауапты екенін де ескертіп өткен.
Кітап жасөспірімдер мен барша әдебиетсүйер қауымға арналған.