Әйел махаббаты, Мұхтар Мағауин

Қолдарыңыздағы «Әйел махаббаты» атты кітап – мәшһүр жазушы Мұхтар Мағауиннің бір шоғыр әңгімелер жинағы. Жинаққа бірегей қаламгердің 1960 жылдан 2008 жылға дейінгі аралық, есебі тұтас жарты ғасыр бойы жазылған әңгімелері ішінен 11 шығарма топтала басылып отыр. Жазушы өзінің танымал туындысы «Мен» мемуарлық дилогиясында дарынға тән төл қасиеттерді: жылы жүрек, қиял байлығы, аңғарымпаздық, сурет зердесі һәм ең бастысы – ынтызар құмарлық деп таңбалайды. Расында да «Әйел махаббаты», «Кешқұрым», «Бір нәзік сәуле», «Он жеті әйел алған Исақан ағам» сынды және осында енген басқа да әңгімелер мазмұнынан, кейіпкерлер бейнесінен аталған қасиеттерді көріп, шын өнер иесінің қолтаңбасын жазбай танимыз. Жазушы таңбалаған риясыз сүйіспеншілік пен рухани өмір шежіресінен ғибрат аламыз.